與其說教，不如親身行動！ 「自己垃圾自己執」唔單只係口號，更係一堂實實在在嘅責任感與環保教育課。 成為山野守護者，不限年齡、人數！ 🌿 如果小朋友想進行第一次義工體驗，但年紀太細未有電郵帳戶，家長可以幫佢哋以小朋友嘅名義開設SC帳戶。帳戶可以用家長嘅電郵或手機號碼註冊，由家長代表小朋友申請服務。😉📝 一齊報名參加！ 我哋有個 行山List。你哋可以隨時出發，跟自己節奏，一邊享受大自然，一邊順手執走眼見嘅垃圾。 歡迎親子/跨代同行👨‍👨‍👧‍👧 對家庭嘅意義，遠超「執垃圾」： ♻️ 跨代合作與關懷：細路可以學習責任感，成年子女可以藉此關心父母健康，創造共同話題與回憶。 ♻️ 親身感受環境問題：讓孩子親眼看見被遺留嘅垃圾，比任何警告都更有說服力。 ♻️ 學習負責任嘅行動：由撿起、妥善保存到帶落山處理，完整體驗「負責到底」嘅態度。 ♻️ 珍惜自然之美：在清理後，一齊欣賞恢復潔淨嘅環境，建立「保護美好事物」嘅成就感。 ♻️ 珍惜共處時光：放下電子產品，一齊流汗、合作、傾偈，關係更親密。 給參與家庭的溫馨提示： 1. 互相照顧：家長請留意小朋友安全，而成年子女請留意父母嘅體力與步速，量力而為。 2. 心態調整：目標唔係「執得多」，而係「一家人為大自然做件小事」。完成後記得互相讚賞！ 3. 角色互換：小朋友可以做「環保小隊長」指出垃圾；子女可以做父母嘅「行山導航員」，讓每一位家庭成員都有參與感。 4. 延伸討論：回家後，可以同孩子一齊上網搜尋「垃圾循環」或「海洋垃圾」資料，將行動連結到更深嘅知識。 完成挑戰好Easy，最少提交兩張相就得： 1. 你同家人/ 朋友山徑執緊垃圾 嘅合作時刻。 2. 將垃圾 丟入市區垃圾桶 嘅時刻。 仲有，請一家人/ 朋友一齊總結呢個體驗： 3. 請透過Whatsapp寫 一段簡單分享 (含行山日期及行山路線)，講講完成後，家人/ 朋友（無論係小朋友定係父母）有咩感受、反應或得著？ （例如：「媽媽話好耐冇同我一齊完成一樣任務，好開心。」或者「個仔發現原來垃圾唔會自己消失，話以後要更加珍惜環境。」） 參加者可於 2026年3月1日-2026年3月31日 期間， 自行安排日期時間 ，完成任務並將感想和紀錄遞交予社職，我們將確認30分鐘的服務紀錄。每位義工僅能參與一次 服務。

- 完成本次活動後，將不會提供實體證書 。但是，每位已報名並完成服務的義工，其服務紀錄將顯示於個人 「社職履歷 Social CV」中。 - 可下載你的個人 「社職履歷/ Social CV」至PDF檔案遞交 (包含你的姓名、義工服務名稱、主辦單位名稱，義工服務日期 以及 各項義工服務的服務時數) - 參加者需自行負擔往返集合及服務地點的交通費用。 - 本次服務沒有購買義工保險，如參加者在服務期間受傷需自行承擔相關風險。 - 義工服務的照片與故事有機會在社職的平台及社群媒體上公開展示，藉此讓更多人能夠看見、理解並感受守護山野的意義與力量。